तो प्रेम करतो आणि ती प्रेम करते
सगळ्यांची गोष्ट नेमकी इथेच संपते
नंतरची कथा कधी कुठेच नसते
तरी पण.. तो प्रेम करतो आणि ती प्रेम करते
गोड शेवट हा असतो नव्याचा उगम
प्रेमाच भावगीत तिथे राहत नाही सुगम
समजून घेण्याच चाक मग उलटेच फिरते
तो प्रेम करतो आणि ती प्रेम करते
मजनूचा होतो मेल्या आणि प्रेयेची होते बाई
तेव्हा मात्र वाटत आपली झाली थोडी घाई
सुफल संपूर्ण कहाणीची इच्छा पूर्णपणे विरते
तो प्रेम करतो आणि ती प्रेम करते
'एकटा जीव सदाशीव' हे होते ब्रीद वाक्य
पुस्तक पेपर स्वयंपाकघराशी होते जास्त सख्य
'नकार दिलेल्यांची' किंमत तेव्हा जास्तच वाटते
तो प्रेम करतो आणि ती प्रेम करते..
-स्वरूप खाडिलकर
