माणसाच्या तर्हा

थंडीत शिरला अंगात आळस कंटाळा येत राही

नुसता बसून गेला दिवस केल काही नाही

थंडीत शिरली अंगात उर्जा केली धावपळ

पाच किलोमीटर धावणे वाटे डाव्या हाताचा मळ

थंडीत शिरता मनी प्रेम आठवण तिची होई

गोड गुलाबी थंडी मग अजून मधाळ होई

थंडीत येते औदासिन्य जेव्हा कातरवेळी 

घालमेल मनाची वाटे हवे कोणी जवळी

थंडीत जाता डोक्यात राग चिडचिड होई फार

बाहेर असले थंड जरी पित्त करी बेजार

ऋतु असो कोणताही माणसाच्या तर्हा दहा

पटत नसेल तर थंडीला replace करून पहा 

- स्वरूप खाडिलकर
30-1-2011

8.45 AM

उठ मुला...

उठ मुला उठ मुला

बघ माध्यान्योदय झाला

पाणी आता जाईल 

अंघोळ पुन्हा राहील

शरीरास्तव घे कष्ट जरा

उठ मुला उठ मुला..

न्याहारी समय उलटून गेला

तरी डोळा ना उघडीला

भोजनकाळ आता झाला

उठ मुला उठ मुला..

वडील तुझे किलबिलती

तणतण फार आम्हा करती

त्यांच्यास्तव तू बैस जरा

उठ मुला उठ मुला..

मित्र तुझे येउनी गेले

भ्रमणध्वनी ते खणखणले

ये तुझ्या या जगताला 

(आता तरी) उठ मुला उठ मुला....

संधी

ती येते दबक्या पावली हळूवार ठोठवी दार

द्या उत्तर तिजला सत्वर थांबत नाही ती फार

कधी येते ती अपूल्या अपेक्षित दारी

कधी इतक्या अवचित की उडविते झोप सारी

वाटते पाहावी वाट कधी संयामाने

कधी हजर पुढयात ती फक्त चिंतनाने

नखरेल फार ती मागते त्वरितच वेळ

हुकली जरका मग लपंडावाचा खेळ

मोहावायास तिजला करा प्रयत्न वारंवार 

प्रसन्न होता करेल तुमचा जयजयकार

ठेवा विश्वास संधी मिळेल पुन्हा नव्याने

करा प्रयत्नाचा परिस स्पर्श होईल मग तिचे सोने ..

-स्वरूप खाडिलकर