माणसाच्या तर्हा

थंडीत शिरला अंगात आळस कंटाळा येत राही

नुसता बसून गेला दिवस केल काही नाही

थंडीत शिरली अंगात उर्जा केली धावपळ

पाच किलोमीटर धावणे वाटे डाव्या हाताचा मळ

थंडीत शिरता मनी प्रेम आठवण तिची होई

गोड गुलाबी थंडी मग अजून मधाळ होई

थंडीत येते औदासिन्य जेव्हा कातरवेळी 

घालमेल मनाची वाटे हवे कोणी जवळी

थंडीत जाता डोक्यात राग चिडचिड होई फार

बाहेर असले थंड जरी पित्त करी बेजार

ऋतु असो कोणताही माणसाच्या तर्हा दहा

पटत नसेल तर थंडीला replace करून पहा 

- स्वरूप खाडिलकर
30-1-2011

8.45 AM