प्रेमात..

हल्ली ना मी जरा प्रेमातच असतो..

सुरु होतो दिवस माझा तिला message करून

खटपट करतो सगळी साध पाहाय तिला दुरून

बोलण्यात तिच्या मी इशारा शोधत असतो

हल्ली ना मी जरा प्रेमातच असतो..

पहाता तिला येते हास्य माझ्या ओठावरी

स्पर्श तिचा होता विरघळे दुनिया माझी सारी

तिच्या कुशीतल्या Teddyत मला मीच दिसतो

हल्ली ना मी जरा प्रेमातच असतो..

लग्ना-बिग्नाच्या गोष्टीत हल्ली घेतो जास्त रस

'मी नाही त्यातला'च्या अभिनयात लागतो मग कस

पण खर तर प्रत्येक जोडीत मला 'आम्हीच' दिसतो

हल्ली ना मी जरा प्रेमातच असतो..

स्वर्गसुखागत भासते मला तिचे हसू

मरणयातना होई दिसता तिच्या डोळी आसू

तिला दुखावलं की मी माझ्यावरच रुसतो

हल्ली ना मी जरा प्रेमातच असतो..

रोज मनात अनेकदा propose तिला करतो

समोर तिच्या गेल्यावर उगाच घाबरतो

'उद्या नक्की विचारीन' हा निश्चय मात्र असतो

हल्ली ना मी जरा प्रेमातच असतो..

-Swaroop Khadilkar