संधी

ती येते दबक्या पावली हळूवार ठोठवी दार

द्या उत्तर तिजला सत्वर थांबत नाही ती फार

कधी येते ती अपूल्या अपेक्षित दारी

कधी इतक्या अवचित की उडविते झोप सारी

वाटते पाहावी वाट कधी संयामाने

कधी हजर पुढयात ती फक्त चिंतनाने

नखरेल फार ती मागते त्वरितच वेळ

हुकली जरका मग लपंडावाचा खेळ

मोहावायास तिजला करा प्रयत्न वारंवार 

प्रसन्न होता करेल तुमचा जयजयकार

ठेवा विश्वास संधी मिळेल पुन्हा नव्याने

करा प्रयत्नाचा परिस स्पर्श होईल मग तिचे सोने ..

-स्वरूप खाडिलकर