दिशाहीन

देश माझा खूप मोठा

जगामध्ये थोर स्थान |

तरीसुद्धा जगतोय

होऊनि तो दिशाहीन  |1|

चालतोय चालू द्यावा

प्रतिकार तो टाळावा |

सावळया या गोंधळत

खिसा आपला भरावा |2|

तरुण पिढीच्या हाती

शिक्षणाची आहे कास |

उद्या काय करायचे

याच्या उत्तरची आस |3|

समान उद्दिष्ट नाही

स्वातंत्र्याचा स्वैराचार |

सुवर्णमय इतिहासी

भविष्यातला अंधार |4|

नको पैसा देशासाठी

नको आम्हाला प्रसिद्धी |

ध्येय द्या हो ध्येय द्या हो

तेव्हा होईल समृद्धी |5|

- स्वरूप खाडिलकर 

21 जुलै 2013.